ስእለ
Jul 9, 2023 3:42 PM
172.58.243.120
==እንታይ ትብልዎ፧== ኣታ ዜጋ ኤረይ ጂግና ወገነይ እንታይ ትብልዎ ነዚ ማእሲ ዘይረብሕ ፈልሲ ብሃገር ዝውርዚ ከዳዕ ተበላጺ፧ ነዛ ባንዲራና ኣርማ ነጻነትና ሰለስተ ዝሕብራ ቆጽሊ ኣብ ማእከላ ዋጋ ዝተኸፍላ ናይ ኣሽሓት ኣፍላ ናይ “ውልቀ ሰብ’ያ” ክብላ ‘ዚ ከዳዕ ጒሒላ ጸረ-ሃገር ተዅላ ኣነስ ኪዒበዮ ከም ሰብ ጸይፈዮ ጸሊአ ክርእዮ እስኹምከ እንታይ ትብሉ ነዚ ሕሱር ግብሩ ሕልና ዘይብሉ ዝድውን ሃገሩ፧
ብኒ ነቒሉ መርቑኒ ኢሉ ቱር-ዲ-ፈረንሳ ክዕንድረሉ ኣብ መላእ ዓለም ከስሚ ኤሩ እወ ነቒሉ መራሒ ኮይኑ ክሰርሕ ታሪኽ ስሙ ከበርኽ ከድምቕ ጋንታ ጸላም ኣፍርቃ ብብሽግለታ በልዎ ኣጆኻ ዓወት ንዓኻ! ነጣቓዓሉ ኣይንብቀቐሉ ድምጽና ኣብ ኩሉ ጅግና'ዩ ወትሩ ሓበን ሃገሩ መዂርዒ ሰቡ I am wishing you Bini to have a happy, safe, and victorious Tour-De-France!
==ቀኒአልኩም== ስዉኣት ቀኒአልኩም በሪኹ ታሪኽኩም ረዚኑ ክብርኹም ክልዓል 'ቲ ስምኩም እወ ቀኒአልኩም መንዶ ገሩ’ዩ ከማኹም ንሃገሩ ህዝቡ ዝኸፈለ ዕድሉ ዝሃበ ግምባሩ ዓወት ንሓፋሽ ኢሉ፧ ናጽነት ዘግዘመ ሃገር ዝሓረረ ብዓወት ዝልለ እስኻትኩም እንዲኹም ወዲ ምስ ጓልኩም ሃብሮማት! ምስጋና ንዓኹም ሃገር ዝዓቀብኩም ታሪኽ ዝሰነድኩም ስዉኣት ሰብ ሕድሪ ሕድሪ ኢልኩም ዝሓለፍኩም ንሕድሪ ተግባርኩም ዓብዪ ነባሪ ወርትግ ተዘካሪ ኣብ ኤርትራ ምድሪ ንዓኹም ክዝክር ይኾርዕ የንቃዕርር እንኳዕ ሰብኩም ኮንኩ ይብል ግና ከማኹም ሓደ ርብዕኹም ቅንጣብ ቁምነገርኩም ገለ ዘይምግባረይ ንህዝቢ ሃገረይ ንእሽቶ ብዓቕመይ ዘቕስን ኣእምሮይ ይወቕሳ ንነብሰይ እወ ይቐንእ ቅዱስ ቅንኢ ብላሽ ከይሓልፍ ብዘይታሪኽ መጸወዒ ይሻቐል ጽባሕ ድሕሪ ጽባሕ ከይመውት ከይድበ ስመይ ኣኸቲለ ብዘይ ቁምነገር ተመዝገበ
ይዘከሩ! ----------- ትኣምር ዜጋ ጽኑዕ ህዝቢ ንኹሉ እንተታት ወትሩ ድልዊ ንሕሰም ሽግር ወርቂ ባሃሊ ንሱ'ዩ እንኮ 'ቲ ተጋዳሊ ብኽብሪ ሃገር ዘይተቛማሪ ነቲ ማዕቀብ ነቲ ኲናት ነቲ ዓሎቕ ናይ ዝሩጋት ዝመከተ ብጽንዓቱ ዝስዓረ ብስምረቱ ጸሓይ ኮይኑ ተዓዊቱ 'ቶም ስዉኣት 'ቶም ጀጋኑ ኩሉ ዋጋ ዝኸፈሉ ዓወት ንሓፋሽ እንዳበሉ እቲ ሕልሞም ጋህዲ ኮይኑ ልእላውነት ተዓቂቡ ስዉኣትና 'ቶም ኩርዓትና 'ታ ሂወቶም ዝገበሩ ኩሉ ዕድል ዝመጠዉ ኤርትራ ንኽትህሉ ህዝቢ ኤረይ ክወግሓሉ ይመስገኑ ይዘከሩ ንዘልኣለም ንሓዋሩ!
ዘክር! ብውሽጥኻ ብሕልናኻ ኣብ ዘለኻ ሃሊኻ ሎሚ ጽባሕ ክሳብ ዘለኻ ሕሹኽ በሎም ዘክሮም ኣዕልሎም ኣብ ሕድርኹም ኣልኹ በሎም ነቶም ስዉኣት ጀጋኑ ምዑታት ዝሓለፉ ንዓይ ንዓኻ ዝኸፈሉ ናይ ሂወት ዋጋ ንሰላምና ንኽብርና ንኤርትራ መጻኢና ክንስራዕ ማዕረ ዓለምና ሃብሮማት'ዮም ተዘካርቲ ልዕሊ ማንም ተናፈቕቲ ወዶም ጓሎም ሚዛን ወርቂ እወ ንዘክር! ነስተንትን! ሕሉፍና'ዩ ምምህር እቲ ግፍዒ 'ቲ መግረፍቲ 'ቲ ጭቆና 'ቲ መግዛእቲ መሪር ሂወት ኣስካሕካሒ ዝቐንጠጡ ብዘይፍርሒ ስዉኣት'ዮም 'ቶም ሰብ ብልሒ 'ቶም ጽኑዓት ተጋደሊት
ኣይትጠሙቱለይ --------------- ኤሩ ሃገረይ 'ዛ ብሌን ዓይነይ ክብርቲ ዕንቊ ንዓይ ዓለመይ ኣይተንቃዕርሩ ናተይ'ያ ርስተይ ንሳ ኣነ'የ ንሳ'ውን ኣነ ከም ዓጽሚ ስጋ ዘይንፈላለ ኤሩ ዘይብሉ ምምባር ኣብ ዓለም ፍርቂ ሂወት'ዩ ብዘይቀልዓለም ክብሪ ጎደሎ ፍጹም ዘይሕለም ሓበን'ያ ክብረይ መልክዐይ ሕብረይ ግርማ ጽባቐይ ዓሪቐ ጠምየ ሓሪቐ ጉህየ ዓዲ ቀይረ እንተ ብኤሩ ወትሩ ኩሩዕ'የ ንሰላማ ንድሕነታ ነቲ ባሕራ ንመሬታ ንሕና ደጀና ጋሻኣ ዋልታ ንሳ ቀንዴል ጽሓይ ወርሒ ሽግ ነጻነት ጸሓይ ሓቂ ዘይትዕሉቕ ኣደ ፍትሒ እሞ ዘምጻናያ ብጀጋኑና ዘውሓስናያ ብመስዋእትና ንሓብሕባ ከይሰልከና ሕድሪ ብግብሪ! ንሓልዋ ሓደ ኰና ከም ትማሊ ከም ቀደምና ካብ ዓመጽቲ ባዓል ቃርማ ነገርማ ነማዕብላ ማእከል ወሰን ምስቲ ባሕራ ፈታሕ ሽግር ንጸገምና
"ብሰንኪ ንቑጽ ይነድድ ርሑስ" ናይ ሓቁ ተኾይኑ ብመትከል ኣሚኑ ኣመሪካ ጨኪኑ ኣብ ልዕሊ ኩርኩሩ እዚ ለማኒ ዕሱብ ከዳሚ ሰላም ደዋኒ ናይ ባዕዲ በትሪ ዜሮ ብዓቕሚ ሕጂ'ዩ ኣኽቲሙ ዕድመ ምምባሩ ቀለብ ሲኢኑ ኣመሪካ ክፋእ ለቖታ ሓለቓ ዝምታ ንወይን ጭፍራ ልኡኽ ኩርኩራ መዚና ዓቕሙ ሙዉት ምዃኑ ተስፋ ዘይብሉ ክፍጽም ትልሙ ኣብቂዑ'ዩ ኢላ ሓገዛ ኣቚማ እቲ ዘሕዝን ልቢ ዘቝስል ብሰንኪ ወይን ለይባ ጽንጊሊል ኩሉ 'ቲ ስኡን ትግራዋይ ጽጉም ሓገዝ ዝደሊ ሂወት ክትቅኒ ተፈሪዱ ጾሙ ክሓድር ዕድል ከማርር
ሕልሚ ኣለኒ ------------ ሕልመይ'ዩ ሕልሚ ኤርትራዊ ማዓልቲ ለይቲ ኣብ ደመይ ዝዛሪ ምዕባለ ኤርትራ ክርኢ ኣብ ግብሪ እወ ከበሳ ቆላ 'ቲ ገምገም ባሕሪ ደሴታትና ንኣሽቱ ዓብዪ ከዕለቕሉቑ ብጋሻ ረኣዪ ሕልመይ'ዩ ሕልሚ ንእስነተይ ዘይሃስስ ዝዓበየ ኣብ ውሽጠይ መሬት ሕድሪ ገነት ክትኮነለይ ኤርትራ ሪሂዋ ክሪኣ ተጠቒማ 'ቲ ዘለዋ ጸጋ ቀይሕ ባሕሪ 'ቲ ማዓድን ወርቃ ተሓቢሩ ጉልበትና ፍልጠትና ተወፊና ጸጋ ትሕዝቶና ብሩህ'ዩ ጉዕዞ ምዕባሌና ብዝኾነ ኤርትራ ማዕቢላ ክንሪኣ ንደኽመላ ንሕና ኢና ደቃ ካልእ የለን ዝሃንጻ ዝነድቃ ንረብሓና ዝኸፍለላ ዋጋ
ምልስ ምልስ መቐለ - እንታይ ዝዓለመ፧ ----------------------------------- እዚ እከይ ሽላ ኣሞራ ዘይፈልጥ እንካ ትርፎ ሃባ ይመክር ኣሎ ምስታ ጭፍራ ዝተረፋ ኣዒንቲ ክነቚራ ካብ ሰብ ነውራም - ሕሱር ጎይታ ጥፍኣት ማይክ ሃመር ናይ ሰላም መንዳዓት ኣናቚቱ ዘኻዕብት እትዋት ተላመዶ ብሂወት ምጽዋት ይኣልም ኣሎ ምስታ ጃንዳ ሓሳድ ዕንወት ፡ ሞት - ኣንጻር ሰላም ልምዓት
"ትማሊ ሎሚ ኣይኮነን" ------------------- ቀልዓለም ዘይብሉ ዓው ኢሉ ትኽ ኢሉ ድምጺ ሓቂ ኣድህዩ ፍትሒ ተነብዩ ዓለም ክሰምዓሉ 'ቲ ወጽዓ በደሉ ብግልጺ ነጊሩ ትማሊ ንበይኑ ምስቲ ሓላል ህዝቡ ኩሉ ኣንድዩ ከፊሉ ሕሰሙ ምዕቀቡ ኣይደንን ኢሉ ሰብ-ዓመጽ ሰምቢዶም ብድምጹ ሪዒዶም ከጸልምዎ ኣንቂዶም ግና "ትማሊ ሎሚ ኣይኮነን"` ሓደ ኹጥቦ ዓለም ብኣመሪካ ዝዝወር "The Game is Over
ብሓጺሩ - ፖሊሲ ኣመሪካ ሕብሩ ፖሊሲ ኣመሪካ ኣብ ጸሊም ኣፍሪቃ ጥልዕ በለለይ ክብለጸልካ እወ ርክብ ጎይታን ጊላን ኣንጻር እንካን ሃባን ይብል፡ “ኣነ ዘይመረቕክዎ ኣስኒቐ ዘይላኣኽክዎ ረብሓይ ዘይሕሉ ዘየገልግል ትም ኢሉ ደፋር’ዩ - እዝጊ ዝጸላኣሉ” “ሃብቲ ጸጋ ኣለኒ ሓያል ወተሃድራዊ ዓቕሚ ብሰማይ ብምድሪ ወሪሩ ቀታሊ” “ምስ ነዊሕ ተመክሮ ተንኮል ዝውንኖ የለን ‘ቲ ሓይለይ ዝገጥሞ” “ኣብ ሰላም ምርባሽ ምሕንካር ምጥቛስ ሕላገተይ’ዩ - ዝብለሉ እዋሓስ” እዚ’ዩ ብሓጺሩ ስርዓት ኣመሪካ ዕላማ መትከሉ ‘ቲ እምነቱ ባህሩ ክሳብ ዝወድቕ ከምቶም ዝቐደሙ ብዙሓት ኢምፓየር ኣብ ዓለም ዝነበሩ
ሳላ ጽንዓተይ... 'ቲ ትማሊ ኣብ ጸገም ከለኹ ኣብ ወጥሪ 'ቲ ሓገዝ ክደሊ ቅኑዕ መገላገሊ ዓራቒ ሸምጋሊ... ቃሉ ዝዓቀበ ዱላ ዘቐበለ በልዎ ዝበለ ብውሽጢ ብደገ ሕሱር በዓለገ ሲዒረዮ ሕብሩ በሊለዮ ምዃኑ ኮቪድ ንፍዮ ጸረ-ፍትሒ ዓለም ዘለለዮ ሳላ ጽንዓተይ ክቡር መስዋእተይ ቅኑዕ መትከለይ እንሆ ሕጂ በሪኹ ስመይ ሎሚ ከም ትማሊ ንጽባሕ ቀጻሊ ፍትሒ'ዩ ጭርሖይ ሰላም መዝሙረይ ብሓባር ምምባር ምስ ጎረቤተይ
ኣስተውዕል! እቲ ዝሰመረ ሓቂ ዝዓተረ ዝነቐሐ ሓይሉ ዝወደበ ዕጥቁ መሳርዑ ዘደልደለ ዕዉት'ዩ ዝኾነ እንተኾነ ሓሰመ መረረ ነወሐ ሓጸረ ሽግር ይበራረ ኣብነት'ያ ኤርትራ ሃገረይ ክድምና ባርነት ዝበለት እምብለይ መኪታቶ ናብራ ጠለይ-ጠለይ ዓመጽ ኣመሪካ ግብረ እከይ ክብለጸልካ ጥልዕ በለለይሓ
"ዝነዓቕካዮ የጥንስ" - ጋህዲ ኮይኑ ክነግስ እዛ "ንእሽቶ" "ድኻ" ምስ ትሕዝቶ ብህዝባ ትፍቶ ኣፍሪቃዊት ሃገር ከመይ ኢላ ሰሪሓ ትድረር ባዕላ ትማሓደር፧ ዘደንጹ'ዩ ዘገርም ሪኢኻ ክትኣምን ጽንዓታ የስደምም ኩሉ 'ቲ ሸርሕታት ማዕቀብ እገዳታት ኲናት 'ቶም ልኡኻት ትብጥሶ ብብቕዓት ይበል መሪሕነት ጽንዓት ተወፋይነት ዘይተምበርካኽነት 'ቲ ሓድነት ህዝቢ ቆፎ ድኾን ንህቢ ብሓደ ይፋኒ ብጽንዓት ብዓቕሊ ኣመሪካ ኣውሮጳ ናይ ምዝመዛ ጃንዳ እቲ ትዕቢትኩም ሃርጋፍ ጠባይኩም ሓሊኹ ኣውዲቕኩም
ይኣክል! ===== "ኣፍርቃ ዝበልናኩም ስምዑ ዝሃብናኩም ብልዑ ከም ከልቢ ቆልዑ" ደጊም ኣኽቲሙ'ዩ ኣብቂዑ ኣውሮጳ ኣመሪካ ይኣክል! 'ቲ ዓመጽ ዘቃትል ዓዲ ዘየጋብር ትሕቲ ሰብ ዘሐድር ኣይግባእን፣ ወርቅና ሂብና ሺሻይ ማዓድና ብርሃጽ ጉልበትና ክትሰብሑ ኣብ ቅድሜና ንሕና ብዕሩቑና ብጥሙይ ከብድና እወ ይኣክል 'ቲ ዝምታ ዓይኒ የዐሚትካ ማዕቀብ ቅጥፈት ሚሂዝካ ዘይብሉ ጣቋ
እዚ ትዕቢተኛ ጸረ-ሰላም መንቀኛ ኣመሪካ - ዘይብሉ ዳኛ ትፈልጡዶ - እንታይ ከም ዝብለና ብቑሉዕ ጽሞና? "እዛ "ድኻ" ሃገር "ንእሽቶ" ዘይትድፈር ሰሪሓ ትድረር ዘይትብል ሃረምረም... ነሳቕያ፡ ከይትኸውን - "ናይ ሕማቕ ጽቡቕ ኣብነት" ኣብ ኣፍሪቃ መሬት" እወ "ትምኒታ ክጉንደብ ክትበሊ - ኣብ ድኽነት ድሕረት ኣብ ኲናት ከልበትበት ነሸግራ ንነጽላ ብሸርሒ ብማዕቀብ"
ይበል ኣቀባብላ ንመንግስቲ ኤርትራ ኣብ ሃገር ቻይና! ብጣዕሚ ምዕሩግ ቀልብኻ ዝሰልብ ውሽጥኻ ዘዐግብ ክብርኻ ዝድርብ ምሕዝነት ዝሕብሕብ የቐንየልና ቻይና! ንብል ኣለና ድንን ትሕት ኢልና ስለ'ቲ ኣኽብረትኩም ዘርኣኽሞ ኣብ ዕድምኩም ፕረሲደንቲ ኢሳያስ ጋሻኹም "ክብሩ መጠን ነብሱ የኽብረካ"
'ቲ ምጽማም 'ቲ መስዋእቲ እቲ ስቓይ 'ቲ መውጋእቲ እቲ ግፍዒ 'ቲ ጭንቂ እቲ ከርተት ላዕሊ ታሕቲ ኣብ በረኻ ኣብ ጸናዕቲ ንዓመታት ቀትሪ ለይቲ ኣንጻር ሸርሒ 'ቶም ዓመጽቲ ንነጻነት'ዩ ነሩ ንሓርነት ንዜግነት ኤርትራውነት ንማዕርነት ልእላውነት ተዓዊቱ ጋህዲ ኮይኑ ሳላ ጽንዓት 'ቶም ጀጋኑ ኩሉ ሕሰም ተጻወሩ ከይሰምበዱ ከይተዳህሉ ኣብ መትከሎም ደው ዝበሉ ዮሃና! እንኳዕ ኣሐጎሰና ናብ መበል 32 ማዓልቲ ነጻነትና ብዓወት ዝበጻሕና! ኣብ በጂንግ ኣብ ቻይና ኣምበልቢላ ባንዴራና እልል በሉ ዘምሩላ ጽንዓትና'ዩ 'ቲ መትከልና እቲ ራኢ ስዉኣትና ፍረ ሂቡ ንዕብየትና ንቐጽሎ ሓደ ኰና
"ኮኾብ ጽባሕ ተወሊዱ" ቊርጽ ቅምጥ ኢሉ ኤርትራዊ መሸከሉ 'ቲ መልክዑ ሕብሩ ዓለም ኣገሪሙ ኣብ ኲዕሶ ጥበቡ 'ቲ ኽእለቱ ዓቕሙ ብርእሱ ብእግሩ ምትኳስ ቀብቂቡ ኣውሮጳ ኣጸሊሉ ኢሳቕ! ኢሳቕ! ኣቢሉ ዝወለደ ተሓቢኑ ፈታው ኲዕሶ ኣመስጊኑ ዕድመ ይሃብካ ኢሉ ኹሉ Keep it up Alex. The future is yours.
