ሳዋ ስም ሜረት ጥራሕ ኣይኮነን።
Posted by: Ghebrengus MesmerDate: Thursday, 28 August 2025
ሳዋ ስም ሜረት ጥራሕ ኣይኮነን። ስነ-ሓሳብ'ውን እያ። ሳዋ ክትሰምዕ ክብርታት ህዝቢ ኤርትራ ቅጅል ይብለካ። ኣብ ሳዋ ብጀካ ኣከደሚያዊ ትምህርት ኣኽብሮት፡ ሕውነት፡ ፍትሒ፡ ብጻይነት፡ ባህሊ፡ ጅግንንነት፡ ወተሃደርያዊ ኣካዳሚ፡ ሞያ ትመሃር። ስለዚ ሳዋ ዓባይ ማህደር ስነ ሓሳብ እያ። ኣብ ቁዱስ ጽሑፍ ከምቲ "ዳዊት ነቲ ብሓይሉ ዝምካሕ ጉልያድ ሲዒሩዎ" ዝበሃል፡ ነቲ ተሃንዲዱ ብብዝሒ ሰራዊቱን ኣጽዋሩን ኤርትራ ከጥፍእ ዝመጽእ ሓይሊ ጸላኢ በዞም ኣብ ሳዋ 'ሳዋዊ' ስነ-ሓሳብ ዝዓጠቑ መንእሰያት ተቐርሲሙ ዘፍ ከምዝበለ ታሪኽ ትማልን ሎምን ይነግረና። ስለዚ ንሳዋ በቲ መጸውዒ ሜረታ ጥራሕ ዘይኮና ክንፈልጣ ዘሎና በቲ ተስርጾ መንፈስ ስነ-ሓሳብ ክንገልጻ ይግባእ። በዚ ኣጋጣሚ ነዚ ኣይትሓዙኒ ክሳብ ዓንቀረይ እኹል ኣጽዋርን ዓቕሚ ሰብን ኣሎኒ ኢሉ ዓሰብ ወይ ብሰላም ወይ ብሓይሊ ክወስዳየ ዝብል ዘሎ ስርዓት ኢትዮጵያ፡ ታሪኽ ጎልያድን ዳዊትን ተወከስ ክንብሎ ንፈቱ።
