የኤምባሲው መገንባት የሁለቱን ሀገራት ዲፕሎማሲያዊ ግኑኝነት የበለጠ መሰረት የሚያስይዝ መሆኑንም ነው የተናገሩት።

በዚህ የፕሬዚዳንት ኢሳያስ አፈወርቂ ጉብኝት ወቅት ሀገራቱ በርካታ የኢኮኖሚ ትስስር ለመፍጠር የሚያስችላቸው አቅም እንዳላቸው ተመልክተናል ያሉት ጠቅላይ ሚኒስትሩ፥ ይህንንም ለመጠቀም ተወያይተናል ብለዋል።

የሁለቱን ሀገራት ህዝቦች ከድህነት ለማስወጣት ያለ መታከት እንሰራለንም ነው ያሉት።

የፈረንጆቹ 2020 ለኢትዮጵያ እና ለኤርትራ ህዝቦች ብሎም ለምስራቅ አፍሪካ የብልፅግና መጀመሪያ ዓመት ይሆናልም ብለዋል።

በኢትዮጵያ በኩል ለሁለቱ ሀገራት ህዝቦች ብልፅግና አብሮ መስራት በኢትዮጵያ በኩል ሙሉ ዝግጁነት እንዳለም ጠቁመዋል።

የአሁኑ የሁለት ቀናት ጉብኝቴ የሁለት ወራት ቆይታን ያህል ነው የተሰማኝ ያሉት የኤርትራው ፕሬዚዳንት ኢሳያስ አፈወርቂ፥ ጉብኝቱ በበርካታ በድንገቴ አስደሳች ሁነቶች የተሞሉ መሆኑን ነው የገለፁት።