ብዙሕ ግዜ መብዛሕትና ዳርጋ ኩልና ኤርትራውያን ታሪኽ ቃልስና (ሰውራና) ገና ኣይተሰነደን ዘሎ በሃልቲ ኢና። እቶም ታሪኽ ዝፈጸሙ በብሓደ ይሓልፉ ኣለዉ ዝብል ስክፍታ ኣሎና። ሓቂዩ ገና ብዙሕ ዘይተነግረ (ከይተሰነድ) ንስነዳ ዝጽበ ውዕሎታት ኣሎ። ብኡ መንጽር ታሪኹ ብዝግባእ ክፈልጥ ዝጽበ ዎሎዶ ኣሎ። ተራ መሪሕነት ገድሊ፡ ተራ ተጋደልቲ፡ ተራ ገባሮ፡ ተራ ሰራሕተኛ፡ ተራ ደቀንስትዮ፡ ተራ ተመሃሮ፡ ተራ ቤተ እምነታት፡ ተራ መንእሰያት፡ ተራ ጓሶት፡ ተራ ኣብ ስደት ዝነበሩን ዝነበራን፡ ክኣሳብ ተራ ናይቶም እንስሳታት ኣብ ጎኒ ተጋደልቲ ኮይኖም ጉቡኦም ዝፈጸሙ፡ ብሓፈሻኡ ታሪኽ ቃልሲ ህዝቢ ኤርትራ። እቲ ስክፍታ ከምዘለዎ ኮይኑ፡ ግን ከኣ ብዙሓት መጻሕፍቲ ተደሪሶም ተሓቲሞም ኣብ ዕዳጋ ዝቐረቡ ከምዘለዉ ክዝንጋዕ የብሉን። ማዕረቲ ስክፍታ ታሪኽ ብዝግባእ ዘይ ምስናዱ፡ እቶም ንዕዳጋ ዝቐረቡ ዘይምምባቦም ካልእ ስክፍታዩ። ሰባት ብባህጊ ንመዘከርታ ይገዝእዎም ከይተነቡ ኣብ ከብሒ መጻሕፍቲ (bookshelf) ተደርዲሮም ይተርፉ ኣለዉ። ምሓዞም ኣዝዩ ኣገዳሲ ኮይኑ፡ እቲ ቀንዲ ነገር ግን ምንባቦምን ንካልኦት ከንብቡ ኣብነት ምዃን እዩ።
ሰማእታትና ወትሩ ይዘከሩ
ዓወት ንሓፋሽ
ገ/መስመር፡
