Basic

- ብልጽግና ብናይ ግዳም ሓይልታት ተኣዚዙ፡ ኣብ ልዕሊ መናብርቲ ህዝቢ ኢትዮጵያ ዝኾነ ሓው ህዝቢ ሱዳን ዝፍጽሞ ዘሎ በደል፡ ዓለም ብዓለሙ ብግህዶ ዝዕዘቦ ዘሎ፡ ንለባማት ኢትዮጵያውያን ዘጉሃየ ስኑድ ጭብጢ እዩ።

 ጉጅለ ብልጽግና፡ ኣብታ ማእከል ሕብረት ኣፍሪቃ ዝኾነት ኣዲስ-ኣበባ ተቐሚጡ፡ ንቻርተር ናይቲ ውድብ ብምጥሓስ፡ ልኡላውነት ሶማልያ ብምግሃስ፡ ምስ ሶማሊላንድ ክኽትሞ ዝሃቀነ ዘይሕጋዊ ውዕል ገና ቀለሙ ዘይሃሰሰ ድሙቕ እዩ። 

 ናባና ምስ እንምለስ፡ ጉጅለ ብልጽግና፡ ኣብዚ ዝሓለፈ ኣርባዕተ ዓመታት፡ ኣብ ዝረኸቦ ሃገራውን ኣህጉራውን መድረኻትን ሚድያታትን ኣብ ልዕሊ ኤርትራ ከካይዶ ዝጸንሐ ቅሉዕን ተዅታዂን ዘመተ ሰሚዑ ዘየርመሞ የለን። 

“. . . ግዙፍ ስትራተጂ ክልተ ማያት ሓንጺጽና ኣለና፣ ናይ ጂኦግራፍ እሱራት ኴንና ክንነብር ኣይንኽእልን፣ ኢትዮጵያ ባሕሪ ዝሰኣነትሉ ኩነት ቅቡል ኣይኮነን፣ ዓሰብ ናትና እያ፣ ረፈረንዱም ኤርትራ፡ ህዝቢ ኢትዮጵያ ድምጹ ስለዘይሃበሉ ሕጋዊ ኣይኮነን፣ ኢትዮጵያ ንናጽነት ኤርትራ ኣፍልጦ ክትነፍጎ እያ፣ ኣብ ቀረባ ግዜ ወደብ ክንውንን ኢና፣ ኣብ ቀይሕ ባሕሪ ግድን ወተሃደራዊ መደበር ክህልወና ኣለዎ፣ ኢሬቻ ንዓመታ ኣብ ቀይሕ ባሕሪ ከነብዕሎ ኢና፣ 130 ሚልዮን ህዝቢ ሒዝና ብዘይ ባሕሪ ክንነብር ኣይንኽእልን ኢና፣ ዝጠመየ ህዝቢ ሕጊ የብሉን! ውሕጅ ኴንና ክንውሕጠኩም ኢና፣ ካልኦት ኣብ ማርስ ግዝኣት ክሕዙ እናሓለሙ፡ ንሕና ኣብ ኣፍንጫና ዘሎ ባሕሪ እንተሓለምና እንታይ ነውሪ ኣለዎ፣ ጉዳይ ሓጽቢ ህዳሰ ወዲእና፡ ሕጂ ናብ ቀይሕ ባሕሪ ኢና፣ ሓሙሽተ ዓመታት ተጸቢና፡ ካብዚ ንላዕሊ ክንዕገስ ኣይንኽእልን ኢና፣ ኲናት ምስ ኤርትራ ዘይተርፍ’ዩ! ቀሪቡ! ተወሊዑ! ሰራዊት ናብ ዶብ ተጸጊዑ ኣሎ! ቀሊል’ዩ! ግዜ እውን ኣይወስደልናን’ዩ! እንተወሰደ ሳልስቲ’ዩ! ነዊሕ ርሕቀት ዝውንጨፍ ሚሳይላት ኣለና! ድሮናት ኣለዋና! ብሸነኽ ዓሰብ ኮነ ብኦምሓጀርን ሱዳንን ተዃሊልና ከምዚ ክንገብር ንኽእል ኢና. . .”