Date: Tuesday, 28 November 2017
ህውተታ ጽሓፍቲ ወያነ ናበይ?…
ብ በሪሁ ተስፋይ
ካብ ግዜ ናብ ግዜ ብሙሁራትን ብፈላጣትን ኢና ዝብሉ ተጋሩን ካልኦት ኢትዮጵያውያን ጸሓፍቲን ዝተጻሕፉ ንሃገራዊ መንነትን ባህልን ኤርትራውያን ዝምልከቱ ጽሑፉት ብብዝሒ ክንዕዘብ ጸኒሕና ኣለና። እዚ ከም መቐጸልታ ናይቲ ብዝሓለፉ ስርዓታት ኢትዮጵያ ንነዊሕ ክብሃል ዝጸንሐ’ሞ ግዚኡ በሊዑ ድማ ዝተሰዓረ ሞጎት’ዚ፡ በቲ ደጋፊኹምን መቓልስትኹምን’የ ዝብል ወያነ ካብ ዝተሓብኣሉ ውሻጠ በብቑሩብ ንደገ በጨቕ ክብል ጸኒሑ ሎሚ ብዓውታ ክጋዋሕ ንሰሞዖ ዘለና ፉሹል ኣትሓሳስባ’ዩ።
እዚ ዳግም ዝንዛሕ ዘሎ ናይ ‘ዓባይ ኢትዮጵያ’ ፕሮፖጋንዳዊ ዘመተ’ዚ፡ ቀደም ዘረብረበናን ዝኣክል ዝተባህሎን ዝተጻሕፎን ዝተሞጎቶን ስልዝኾነ ዝበዝሐ ኤርትራዊ ኣቓልቦ ከይሃበ ዕሽሽ ኢሉ’ዩ ዝሓልፎ፡፡ ህዝቢ ኤርትራ ነዚ ኣተሓሳስባን ዋናታቱን ስዒሩ ነጻን ሉኡላዊትን ሃገር ካብ ዝምስርት እንሆ 26 ዓመታት ሓሊፍዎስ ኣብዚ እዋን’ዚ ዘገድሶ ጉዳይ ካልእ’ዩ። ስለ’ዚ ኣብ ዝሞተ ጉዳይ ምዝራብ ፋይዳ ከምዘይብሉ ፈሊጥና ስቕ መሪጽና ጸኒሕና። እቲ ሓቂ እዚ ይኹን ድኣ’ምበር ሓሶት ምስ ዝደጋገም ሓቂ ክመስል ስለዝኽእልን ብቐጻሊ ንኽትስምዖ’ውን ሕልናዊ ሰላም ዝለዝኸልእን ነዞም ብሕማም ደግሲ ተለኺፎም ዘህተፍትፉ ዘለዉ ሑሉፋት ወየንቲ ነቲ ዝቐልውልዎም ዘሎ ሓድሽ ተርኽቦ ስምዒት ‘ሑሉፍ ኢትዮጵያውነት’ ፈውሲ እንተኾኖም ንእሽተይ ሕንጥጥ ከብለሎም መሪጸ ኣለኹ።
ብሕጽር ዝበለ እቲ ዝብሃል ነዚ ይመስል፦
ዝብሉን ተመሳሰልትን ኮይኖም ከመወሰኽታ ድማ፦
እዞም ኣብ ላዕሊ ተጠቒሶም ዘለዉ ዘረባታት ንነፍስወከፎም ርእሱ ዝኻእለ ዓንቀጽ ክጽሓፈሎም ዝኽእል’ኳ እንተኾነ፡ ኣነ ግን ብዝተኻእለኒ መጠን ኣብ ሓደ ጠሚረን ብሓጺርን መንገዲን ከቕርቦም ክፍትን’የ። ከም ኩለን ብኤውሮፓውያን ገዛእቲ ዝተመስረታ ሃገራት ኤርትራ’ውን ካብኡ ብዘይፍለ መንገዲ ብኢጣልያውያን ገዛእቲ ዝተመስረተት ምዃና ማንም ዘይክሕዶ ሓቂ’ዩ፡፡ እንተኾነ ግን እቲ ካብ ኢትዮጵያ ተቖሪሳ’ያ ተወሲዳ ዝብል ዘረባ ፍጹም ካብ ሓቂ ዝርሓቐ’ዩ። ብመጀምርያ ኤርትራ ነዚ ናይ ሕጂ ቅርጻ ኣብ ትሕዘሉ ዝነበረት እዋን ንርእሳ ኢትዩጵያ ብዉሽጣዊ ግርጭታት እናተሓመሰት ኣብ ናታ መስርሕ ምርግጋጽ መሬታዊ ግዝኣትን ምቛም ኣሃዳዊ መንግስቲን ዝነበረት ካልእ ቅርጽን መልክዕን ዝነበራ ሃገር’ያ ኔራ። ብወገን ኤርትራ ድማ ገማግም ባሓራ ንነዊሕ ኣብ ትሕቲ ግዝኣታት ቱርክን ግብጽን ዝጸንሐ፡ ሰሜናዊን ምዕራባዊ ክፋላ ዝያዳ ምስ ሱዳን ዝተኣሳሰር ኮይኑ ከበሳታታ ድማ ናቱ ፉሉይ ምሕደራ ዝነበሮን ምስ ገዛእቲ ትግራይ ኣብ ቀጻሊ ኲናትን ግርጭትን ዝነበር ዝነበረ ህዝቢ’ዩ። ጥልያን እምብኣር ነዞም ዝተፈላለዩ ክፋላት ሕብረተሰብ ኤርትራ ኣብ ሓደ ጠሚሩ’ዩ ነዛ ሕጂ ንፈልጣ ኤርትራ ፈጢሩ። ገዛእቲ ኣምሓራን ትግራይን እምብኣር ይትረፍዶ ንምልእቲ ኤርትራ ንከብሳታት ኤርትራ’ውን ኣብ ትሕቲ ሙሉእ ቁጽጽር ይእትዮሞ ኣይፈልጡን። ህዝቢ ኤርትራን ትግራይን ዋላኳ ቋንቁኦም ሓደ ይኹን’ምበር ናይ ቅድመ መግዛእቲ ታሪኾም ግን ብረጽምን ኩናትን ዝተመልአ ክልተ ዝተነጻጸልን ዝተፈላለየ መንነት እዮም ዝውንኑ።.............................
......................ምንባብ ቀጽል
