Dehai News

( ድምጺ ኣመሪካ ቋ/ ትግርኛ ) ኤርትራ ኣብ ልዕሊ ኔዘርላንድስ ግቡእ ዓጸፈታዊ ስጉምቲ ከምትወስድ ኣፍሊጣ

Posted by: Semere Asmelash

Date: Thursday, 25 January 2018

ኤርትራ ኣብ ልዕሊ ኔዘርላንድስ ግቡእ ዓጸፈታዊ ስጉምቲ ከምትወስድ ኣፍሊጣ

ጥሪ 25, 2018

ህንጻ ቤት ጽሕፈት ቆስላዊ ጉዳያት ኤርትራ ኣብ ኔዝርላንድስ 

ዋሽንግተን — 
ሚንስትሪ ወፃኢጉዳያት ኤርትራ ሎሚ ኣብ ዘውጽኦ መግለጺ፡ ሆላንድ ቆንስል ኤርትራ ንዝነበሩ ኣቶ ተኸስተ ገብረመድህን ምስጓጓ ዘይቅቡል ተግባር ክብል ኾኒንዎ።
ናይ ኤርትራ ቆንስል ኣብታ ሃገር ከይሰርሕ ምእጋድ ምስ ናይ ቪየና ፕሮቶኮል ዲፕሎማሲያዊ ርክባት ዘይሰማማዕ እዩ ዝበለ እቲ መግለጺ፡ ሰበስልጣን ኔዘርላንድስ ኣብቶም ዝሓለፉ ዓመታት ኣብ ልዕሊ ኤርትራ ዝፈፀምዎ ዘይቅቡል ዝበሎም ተግባራት እውን ብምዝኽኻር ኣብ ልዕሊ ኣብ ኔዘርላንድ ዝርከብ ቆንስላዊ ቤት ፅሕፈት ዘቕረቦም ጠቐነታት እውን ነፂጉዎ’ሎ።
ናይ ኔዘርላንድስ ተንቀሳቓሲት ኣምባሳደር ንኤርትራ ብዛዕባ ዘይምሕዝነታዊ ተግባራት መንግስተን መብርሂ ክህባ ብሚንስትሪ ወጻኢ ጉዳያት ኤርትራ ከምዝተፀውዓ`ውን እቲ መግለፂ ኣፍሊጡ`ሎ።
ኣተሓሒዙ ሚንስትሪ ወፃኢ ጉዳያት ኤርትራ ነቲ ብኔዘርላንድስ “ዝተገብረ ጌጋ ብኸፊል ዝምልስ ግቡእ ዝኾነ ናይ ግብረ መልሲ ስጉምትታት ክወስድ ኣብ ግምት ኣእትዩ`ሎ” `ውን ይብል።
መንግስቲ ኤርትራ ንእግሪ ምትካልን ዳግመ-ሕውየትን ኣብ ወፃኢ ካብ ዝርከቡ ዜጋታቱ 2 ሚእታዊ ግብሪ ክኸፍሉ ምግባሩ ሕጋውን ልኡላዊ መሰሉን እዩ ኢሉ`ሎ ሚንስትሪ ወጻኢ ጉዳያት ኤርትራ ኣብ`ቲ ሎሚ ሓሙስ ዘውጽኦ መግለጺኡ።
መንግስቲ ኤርትራ “2 ሚእታዊት መሕወዪ ግብሪ” ነቲ ኣዋጅ ካብ ዘውጸኣሉ ካብ 1994 ጀሚሩ ክሰርሓሉ ዝጸንሐ ምዃኑ ይፍለጥ።
Dm eri tv subscribe

ERi-TV, Eritrea: Hamid Idris Awate's story - book released at Festival Eritrea Expo

Hamid idris awate book release

Hdri Media Books on Amazon.com
visit hdrimedia.com