„እዚ ኣብ መበል 21 ክፍለ ዘበን ብግዳማውያን ባዕዳውያን ሓይልታትን ብውሑዳት ተንበርከኽትን ዕሱባትን ኣገልገልቶምን ደቂ-ሃገር ኣንጻር ኤርትራን ህዝባን ዝካየድ ዘሎ ሰፊሕ ጸለመን ጥቀናን ብዝተራቐቀ ማዕከናት ሓበሬታ ዝተሰነየ ስነ-ኣእምሮኣዊ ጽዑቕ ኲናትን፣..................

ሕጂውን ኣይቀበጹን ንመንእሰያትና ካብ ሃገር ብምስዳዕ ኣብ ጎረባብቲ ብምውሳድ ጸረ ሃገር ክዓጥቅ ክገብሩ ፈቲኖም። መንእሰያትና ግና ኣይተገርሁን፣ ሓደ እኳ ዝቅበሎም ስኢኖም። ብኣንጻሩ እኳ ደኣ መንእሰይ ኣብ ዘዝኸዶ ምስ ሃገሩን መንግስቱን ደው ኢሉ። በዚ ግና ኣየብቅዑን፣ እቶም ምጥላዕ ዝኣመሎም ጸላእትና ግና ይቅጽሉ ኣሎዉ።

ሕጂውን እቲ ዝሓሰብዎ ከምዘይሰርሐ ምስ ፈለጡ እገዳ ብምግባር ንህዝብና ከጥምዮዎን ከጽምእዎን እሞ ህዝቢ ኣንጻር መንግስቲ እንተተላዕለ ብምባል ፈቲኖም። 7 ዓመታት ሓሊፉ ክንዲ ንጠሚ ክንጸግብ ጀሚርና። ክንዲ ደሞዝ ከይተኸፍለ ኣዋርሕ ዝገብር ከምዘይ ካልኦት ሃገራት ኣፍሪቃ ደሞዝ ብሸውዓተ ዕጽፊ ወሲኹ። እኽልን ሃለኽቲ ነገራትን ክንዲ ዝኸብር ብተራእዩ ዘይፈልጥ ቅልጣፈ ዋግኡ ንታሕቲ ክወርድ ጀሚሩ። በዚ ከይቀሰኑ ከለው እተን ን15 ዓመታት ክንጠፍእ ዲና ኣይንጠፍእ ዝዕዘባ ዝነበራ ሃገራት ናብ ኤርትራ ክውሕዛ ጀሚረን። ነቶም ንጥፍኣትና ንዘንቀዱ ዘሰንበደ ፍጻሜ!

ምቁማር ዝለመደ ግና ሕጂውን ኣዮቋርጽን ስጋብ እታ ናይ መወዳእታ ሰዓት። ሓንቲ ናይ መወዳእታ ካርታ ከኣ ክጻወቱ ጀመሩ። ነቲ ናጽነት ዝሃበና ውድብን ተጋዳላይን ብዘይርኣዩን *ስዉራት* መንቶም ዝሓብኡን ሰባት ብምእካብ ንተጋዳላይ ካብ 1991 ክኸሶ ተራእየ። መንግስቲ ኤርትራ እቶም ዝኸሱንን መርትዖታትን ኣቅርቡለይ እንተበለ ብዝኣረገ ሽጣራታት እቶም ከሰስትኹም ስለ ዝፈርሑ ኣይከንርእዮኩምን ኢና ደኣ ተበሃሉ። ብኸመይ ኢና ደኣሞ ክንምልስ ንኽእል? እቲ ተበዲለ ተኣሲረ ዝበለ ኣካል እንተዘይቀሪቡ? ሕጂውን እቲ መልሲ ስድርኦም ኣብ ኤርትራ ስለ ዘለው ፈሪሖም። እዋእ ናይዞም ብቅሉዕ ምስቲ ኮምሽን ዝሰርሑ ዘለው ስድራቤታት ናይ ከም በዓል ዕሱባት ሜሮን- ሰላም-ኤልሳ ጭሩምን ካልኦትን ደኣ ዘይእሰሩ እንተበልካስ መልሲ ዝህብ የለን። ሐራይበሉ ልዕሊ 850 ዝኾኑ ኣብ ኣገልግሎት ዝነበሩ እቲ ሓቂ ንክዛረቡ ዕድል ሃብዎም እንተልናስ ግዜ የብልናን። ሕራይ በሉ 42 ሽሕ ኤርትራውያን ኣብ 13 ሃገራት ዝቅመጡ ደብዳቤ ጽሕፎምልኩም ኣለው እሞ ስምዕዎም እንተበልካስ ጸማም እዝኒ!። ወረግ ሕሉፍ ሓሊፍዎም`ሲ ኣብ ኤርትራ ኣዋልድ ጥራሕ ዘይኮናስ ኣወዳትውን ይዕመጹ እዮም እዩ እቲ ናይ ሓሶት ኽሲ። ኣብ ሃገርናስ ኣወዳት ከኣ rape ይግበሩ? ወይጉድ እዩ ዘብል። እቶም ዘጣቅዑ ግና ነቲ ጸብጻብ ከየንበቡ ህዝቦም ይጽረፍ ከም ዘሎ ከይፈለጡ ከጣቅዑ ን23 ሰነ ይቆጸሩ። እንተ ኤርትራ ግና ሕጂውን ከም ቀደም ኣይክትንብርከኽን እያ!!!

ንበዓል ሱዳን ብውሽጣዊ ምክፍፉል ዝሕመሳ ሃገራት ዘየንበርከኸ ሓሸውየ ነታ ካብ ሓዊ ዝተፈጥረት ኤርትራ ከንበርክኽ እዩ ኢልካ ምጽባይ ሕልሚ ቀትሪ ጥራሕ እዩ ክኸውን ዝኽእል። እሞ`ኸ ደኣ ብምንታይ እዮም ክቀስኑ።

ዝሓሰብዋ ጥፍኣት-ንሕና ዝገበርናዮ ልምዓት!
ዝሓሰቡልና ጥምየት-ንሕና ዘርኣናዮም ዕብየት!
ዝሓሰብሉና ኣብ ኣስመራ ኣድማ-ዝሃብናዮም ኣብ ጀኔቫ ዓለምን ናይ ህዝባዊ ግንባር ኣርማ!!!

https://www.facebook.com/866334836754355/videos/1029510577103446/

ሰውራዊ ደርፊ፡ መርከብና

https://www.youtube.com/watch?v=4FzeNnHG0Ns