ገጽ-መጽሓፍ፡ *ስርዓት ወያነ ትግራይ ካብ ህዝቢ ኢትዮጵያ ብዝወረዶ ራዕዲ ታንክታቱ ካብ ዶብ ኤርትራ ናብ ኣዲስ ኣበባ ይስሕበን።

ነሓሰ 15, 2016

ስርዓት ትግራይ ንኤርትራ ንምጉዕባዕ ኣብ ጥቃ ኤርትራን ትግራይን ኣጸጊዓተን ዝጸንሐት ሓምሳ ዝኾና ታንክታትን ድሩዓት መካይኒን ተቃውሞ ናይ ውሽጢ ኢትዮጵያ ስለ ዝበዝሓን ዘስግኣን ናብ ዋና ከተማ ኣዲስኣበባ ስሒባተን ኣላ። እዚ እቲ ስርዓት ካብ ዝገልጾ ንላዕሊ ርዒዱ ከምዘሎ እዩ ዘርኢ። ብኻልእ ወገን ናይ ኢትዮጵያ ምሉእ ናይ ባንክን ፉይናንስን ዳታ ዝሓዘ ስይስተም ካብ ኣዲስ ኣበባ ተነቂሉ ናብ መቀለ ግዒዙ ኣሎ። እዚ ምስቲ ታንክታት ናብ ኣዲስ ኣበባ ምውሳድ ክርኣይ ከሎ ንምግማቱ ኣየጸግምን እዩ። ንኣዲስ ኣበባ ስጋብ መወዳእታ ምክልኻልን ንህዝቢ ኣዲስ ኣበባ ስለዘይኣምንዎ ግና እቲ ን25 ዓመት ዝሰረቅዎ ቢልዮናት ዶላራት ክሓብዎ እንተኾይኖም ግን ናብታ ቀንዲ መዓስከሮም ዝኾኑ ትግራይ ክውሰድ ኣለዎ። እዚ ከኣ ምስቲ ትግራዎት ካብ ጎንደር ናይ ምውጻእ ስጉምቲ ክርኣይ ከሎ እቲ ስርዓት በጺሕዎ ዘሎ ሻቕሎት እዩ ዘርኢ። ንኹሉ እንኳዕ ኣርከብናሉ እዩ ዘብል።