ቪኦኤ ቃለ-መጠይቕ ምስ ሻምፒዮን ማራቶን በይጂንግ ግርማይ ገብረስላሰ

 

Beijing Marathon Champion Girmay Ghebreslasse

ሻምፒዮን ማራቶን በይጂንግ ኤርትራዊ ግርማይ ገብረስላሰ ነቲ ውድድሩ ቅድሚ ምፍጻሙ`ዩ ግዜ ወሲዱ ባንዴራ ክቕበል መሪጹ።

ግርማይ ገብረስላሰ ምስ ቪኦኤ ኣብ ዝገበሮ ቃለ-መጠይቕ፡ ውድድረይ ቅድሚ ምፍጻመይ ባንዴራ ሒዘ ክኣቱ ዝመረጽኩሉ ኣብ ታሪኽ ክምዝገበለይ ስለ-ዝደለኹ`የ ኢሉ።

ግርማይ ኣቐዲሙ ሓንቲ ባንዴራ ኤርትራ ዝተለጠፋ ናይ ማይ ጎማ ስዒሙ`ውን ከምዘፋነዋ ይፍለጥ። እዚ`ውን ብምኽምያት `ዩ ይብል።

ቃለ-መጠይቕ ምስ ሻምፒዮን ማራቶን በይጂንግ ግርማይ ገብረስላሰ ኣብ`ዚ ምስማዕ ይክኣል፡

እዚ ከምዚ እንከሎ ውድድራት ስፖርት በይጂንግ ቀጺሉ`ሎ። ሎሚ ካብ ዝተኻየዱ ውድድራት፡ ገንዘቤ ዲባባ ኣብ ናይ 1500 ሜትሮ ቀዳመይቲ ብምውጻእ ንኢትዮጵያ ቀዳመይቲ ወርቂ ኣምጺኣ`ላ፡ ። ገንዘቤ ዲባባ፡ ዝሓለፈ ሓምለ ኣብ ዝትኻየደ ናይ 1500 ሪኮርድ ሒዛ ዘላ ኣትሌት`ያ፡  ሓፍቲ 3ተ ግዜ ሻምፒዮን ኦሎምፒክ ጥሩነሽ ዲባባ፡ ቀረባ ዘመድ ደራርቱ ቱሉ።

China Athletics Worlds

ሎሚ ረቡዕ ኣብ ዝተኻየደ ናይ 5ተ ሺሕ ውድድር ጉያ፡ 4ተ ኢትዮጵያውያንን 2ተ ኤርትራውያንን ተሳቲፎም`ዮም ከምኡ`ውን ዝመጽእ ሰንበት ኣብ ዝካየድ ማራቶን ደቀንስትዮ፡ 4ተ ኢትዮጵያውያንን ሓንቲ ኤርትራዊትን ክሳተፋ`የን።